అతి పరిశుద్ధుడా స్తుతి నైవేద్యము - athi parishuddhuda song Lyrics

  👉 Hosanna ministries songs 

  👉 Main menu

పల్లవి: 

అతి పరిశుద్ధుడా స్తుతి నైవేద్యము

నీకే అర్పించి కీర్తింతును 

నీవు నా పక్షమై నను దీవించగా 

నీవు నా తోడువై నను నడిపించగా 

జీవింతును నీ కోసమే 

ఆశ్రయమైన నా యేసయ్యా    

                                                  " అతి పరిశుద్ధుడా " 

చరణం 1: 

సర్వోన్నతమైన స్థలముల యందు 

నీ మహిమ వివరింపగా 

ఉన్నతమైన నీ సంకల్పము 

ఎన్నడూ ఆశ్చర్యమే (2) 

ముందెన్నడూ చవి చూడని 

సరిక్రొత్తదైన ప్రేమా మృతం 

నీలోనే దాచావు ఈనాటికై 

నీ ఋణము తీరదు ఏనాటికీ           " అతి పరిశుద్ధుడా " 

చరణం 2 : 

సద్గుణ రాశి నీ జాడలను 

నా ఎదుటే నుంచుకొని 

గడిచిన కాలం సాగిన పయనం 

నీ కృపకు సంకేతమే (2)

కృప వెంబడి కృప పొందగా 

మారాను మధురముగా నే పొందగా 

నాలోన ఏ మంచి చూశావయ్యా 

నీ ప్రేమ చూపితివి నా యేసయ్యా   " అతి పరిశుద్ధుడా " 

చరణం 3:

సారెపై నున్న పాత్రగ నన్ను 

చేజారి పోనియ్యక  

శోధనలెన్నో  ఎదిరించినను

నను సోలి పోనియ్యక  (2)

ఉన్నావులే ప్రతి క్షణమునా 

కలిసున్నావులె ప్రతి అడుగునా  

నీవేగా యేసయ్య నా ఊపిరి  

నీవేగా యేసయ్యా నా కాపరి          " అతి పరిశుద్ధుడా "